2 Gajah Seuit Dipeutroen untuk Peulet Gajah Kleut dari Lampoh Gampong di Pijay

author photoRedaksi
24 Jan 2019 - 09:43 WIB

PIDIE JAYA - Pusat Konservasi Gajah (PKG) Sare, Aceh Rayeuk geupuwo 2 boh gajah seuit untuk geu peulet gajah kleut dari lampoh awak gampong Lhok Sandeng Kecamatan Meurah Dua Pidie Jaya, uroe Rabu 23 Januari 2019.

Kapolres Pidie AKBP Andi Nugraha Setiawan Siregar, SIK lewat Kapolsek Meurah Dua, Ipda Syahril, SH lewat HP bak media TheatjehNet geupeugah, "katrok  2 boh gajah seuit dari Pusat Konservasi Gajah (PKG) Sare Aceh Rayeuk, kira-kira jeum poh siteugeuh 6 (17.30 WIB) seupot"

"Gajah seuit dari PKG rencana jih akan di paroh u lampoh seulama 7 uroe ukeu, mulai singeh 24 sampoe 29 Januari 2019. Hai nyan di pubut untuk geu peulet gajah kleut di lampoh awak gampong nyang na di Lhok Sandeng," kheun Kapolsek.

Lage kheun Ipda Syahri, SH, tim nyan di iring gajah nyan nakeuh dari peutugah PKG Balai Konservasi Sumber Daya Alam (BKSDA) dari Propinsi, Tim Flora ngen Fauna Internasional (FFI) di bantu le anggota Koramil, Polsek ngen awak gampong inan.

Gajah seuit nyan akan di peucrok atawa  di gireng gajah kleut dari lampoh awak gampong, kareuna selaen dipeukaru seulaman, dan na teum di peu cidra awak gampong di sinan, kheun Camat Meurah Dua, T.Safrizal, SH. (SR)
KOMENTAR