Kisah Beukaih Pasukan Prang GAM, Saket Boco Paru paru, Poërumöh Tukang seuméurah dan Aneuk harus Mita Seudeqah

ACEH TIMUR --- Zakaria alias mayor (49) beukaih pasukan Prang GAM kawöm duson Pusaka Gampong Geulumpang Payong Kecamatan Sungai Raya geuharap taleung jaroe tanyo mandum.

Bak www.theatjeh.net, Sabtu 28 April 2018, Zakaria geuaku yöh masa peut thön leupaih  waté saket boco paru paru dan geu meu ubat u rumöh sakèt, meuseuki gohlom na tanda tanda puléh.

Wéueh até lom, seulaén sakèt nyang. ka meuthön, rumöh beukaih Teuntra Nanggroë Aceh nyo that han patöt meu'asoe lé, selaên buböng meuriya dan meu aleu tanöh.

"Bek dilë di peugeot rumöh, dikaleun lon saket han teum deuh muka peujabat manyang GAM atawa ngen lon nyang kamuboinah hudep jih jinö. Awai na di tulöng uléh Peutua Komisi A DPRK Partai Aceh, angkeuh nyan sagai," kheun Zakaria 

Baca: Empat Tahun Sakit, Zakaria Alias Mayor Luput Dari Perhatian Petinggi GAM

Zakaria geu calitra lom, yoh waté sakét geuh, poërumöh gobnyan Rohani (32) teupaksa geukeurija sebagö tukang seuméurah bak rumöh waréh gampöng keu biaya sikula aneuk geuh deungen biaya meu udép.

Simeuntara Ikbal Dani (10) aneuk phön pih jeut keu tuléng rung keluarga dalam hai mita nafakah. Aneuk mit nyang mantêng di duk bak glah 5 Sikula SD nyoe si uroë uroë mita seudeqah keu sikula dan keu lhe dröe adöe jih.

Makajih, Zakaria alias mayor keubit bit geuharap na geukaleun le Pang Ulé beukaih GAM dan hamba Allah nyang laén keu pengobatan droé geuh", 

"Meunyö beulanja meu ubat jinoé prèè ngén kareutu BPJS, tapi nyang brat peurelè beulanja nyang payah lon keubah di rumöh keu makan ngen peunajöh aneukmit lon nyang manteng bak sikula", pinta Zakaria. [SR]