Ji Lawan Petugah, Lakoe Binoe Pelaku Seulundup Rukok Ditembak Peulisi

BIREUEN - Tim Satreskrim Polres Bireuen meuhase geu droep awak peulaku nyang diduga dipubut  meulanggeh  pidana diseulundup rukok ngen teh hijoe ilegal dikawasan gampong Cot Jrat Kecamatan Kota Juang, nibak uroe Seunanyan (21/1/2019).

Ateuh dalil haba yang direumpeuk median nyoe,  nibak uroe Seunanyan (21/1) cot uroe, nibak wate geudrop uleh peutugah peulisi, dua droe pelaku teupaksa geu cok tindakan teugah nyang teu ukoe, geupeulumpuh ngeun timah suum kareuna di lawan peutugah peulisi seureta di coba reubot seunjata peulisi. Peulakunyan, nakeuh saboh pasang Lakoe binoe, Syujri (46) ngen ureueng inoneng jih Cut Nilawati (39).

Geusebutkan, teusangka inoengnyan seumpat geuseurang sidroe peutugah peulisi ngen parang tajam, sampoe personil peulisi nyan geu alami luka keuneng parang bak  baho. Seudangkan lakoe jih neukad dilawan peutugah, deungen cara di um badan dan dicuba reubot seunjata peutugah peulisi.

Na haba, leuh keunong tembak timah suum peutugah peulisi satreskrim, lakoe binoenyan man dua jih langsong di ba plung u rumoh saket RSUD dr. Fauziah Bireuen guna peurawatan leubeh lanjot lom dan langsong di operasi untuk di beut aneuk bude nyang ka meukumat bak tuboh awaknyan dua jih. Cut Nilawati keuneng tembak bak pha uneun dan lakoe jih keuneng tembak bak boh beuteh unen.

Kapolres Bireuen AKBP Gugun Hardi Gunawan, S.IK, M.Si, leuwat Kasat Reskrim Iptu Eko Rendi Oktama, SH, geusebotkan, kasus nyo, bermula dari hase pengembangan bisnis sindikat awak seulundupan rukok ilegal (Luffman) ngen teh hijoe ilegal nyang meuhase dibongkar le aparat peulisi nibak  uroe Minggu (20/1/2019) kira-kira poh siteungeh lapan (19.30 WIB) malam di kawasan Blang Bladeh Kecamatan Jeumpa.

Guelanjut le Pak Eko, sigolom jih, Pers Reskrim dan Sat Polairud geutrimeung beurita dari masyarakat nibak uroe Minggu (20/1) bahwasanya na sidroe ureung agam teungoh geulakukan bongkar muat rukok ilegal kira-kira poh siteungeh lapan (19.30 WIB) malam, ateuh haba nyan, lheuhnyan  tim geu grak dan geudroep Zulkifli Saleh (44), nakeuh warga gampong Blang Bladeh Kecamatan Jeumpa.

Wate geudropnyan, peulaku teungoh ji  proses peutameung rukok ilegalnyan u dalam box moto Suzuki  Carry.

Dari jaroe peulakunyna, "Tim Satreskrim Polres Bireuen, meuhase geu amankan rukok merek Luffman dum le 19.500 boh bungkoh, teh hijoe 7 boh bungkoh, peng 8 juta rupiah leubeh, saboh HP merek Oppo tipe A371 wareuna puteh, saboh dompet, si on kareutu ATM ateuh nan peulaku, saboh moto Box Suzuki Carry deungen numboi peulisi BL 9335 XB nyang geurencana akan geupaso rukok ngen teh hijoe  ilegalnyan," geupeujelah le Pak Eko.

Geutamah lom le Pak Kasat, "Tim gobnyan meuhase sit geudroep dua droe peulaku laen dan awak nyan mandua jih harus geubi tindakan teugah, kareuna ji lawan peutugah peulisi deungen parang tajam dan di cuba reubot seunjata  peutugah, jadi teupaksa payah tapeu lumpoh,"

"Teuhadap awak  pelakunyan, akan geu peubrat deungen Pasal 54 dan 56 Undang- undang numboi 39 Tahun 2007 tentang Cukai," Peunutoh Kasat Reskrim Iptu Eko Rendi. [SR]